Хитойнинг Уси шаҳрида ўтаётган таэквондо WТ бўйича жаҳон чемпионатида Ўзбекистон терма жамоаси иккинчи медалига сазовор бўлди. Финалгача Хитой Таипейи, Жанубий Корея ва Хитой вакилларини мағлуб этган Светлана Осипова (+73 кг) ҳал қилувчи баҳсда туркиялик Нафиса Кушга имкониятни бой берди ва кумуш медаль билан тақдирланди.

Бу Осипованинг жаҳон чемпионатларидаги учинчи медали бўлди. Бунгача унинг ҳисобида дунё биринчиликларининг 1 тадан олтин ва кумуш медаллари бор эди.