Париж-2024 ареналари: Қиличбозлик ва таэквондо WT баҳсларини қабул қиладиган “Катта сарой” кўргазма маркази
4 йилликнинг энг нуфузли мусобақаларини қабул қиладиган объектлар билан таништиришда давом этамиз. Бу гал эътиборимиз марказида “Катта сарой” номи билан танилган улкан кўргазма маркази бўлади.
“Grand Palais” ёки “Катта сарой” ХХ аср француз архитектурасининг энг ноёб намуналаридан. Мажмуа 1900 йил Парижда ўтган Бутунжаҳон кўргазмаси учун барпо этилган. Томлари анча баланд, боз-арт услубида қурилган бундай улкан кўргазма майдони ўша кезлар ҳеч қаерда бўлмагани боис ўз даврининг одамлари унга “Катта сарой” номини беришган.
Иншоотда дастлабки ўн йиллар турли соҳалардаги халқаро кўргазмалар бўлган. Яқин чорак аср давомида турли маданий ва спорт тадбирлари ўтказиб келинмоқда. Бу борадаги дастлабки энг йирик спорт мусобақаси 2010 йил қиличбозлик бўйича ташкил этилган жаҳон чемпионати бўлди.
“Катта сарой” Париж-2024 ёзги Олимпия ўйинлари давомида қиличбозлик ва таэквондо WT бўйича баҳсларни қабул қилади. Ўйинлар давомида арена 8 000 томошабинга мўлжалланган кўчма трибуналар билан жиҳозланади. Мажмуа Олимпия шаҳарчасидан 5 км узоқликда жойлашган.
<video width="1024" height="512" style="display: block; margin-left: auto; margin-right: auto;" controls="controls">
