Dzyudo boʻyicha Oʻzbekiston terma jamoasi Moʻgʻulistonda oʻtayotgan “Katta dubulgʻa” musobaqasidagi ikkinchi medaliga ega chiqdi. Bugungi bellashuvlarda ishtirok etgan Umar Bozorov kumush medal bilan taqdirlandi.

-90 kg vazn toifasida kurashgan hamyurtimiz finalda yaponiyalik Riku Okadaga magʻlub boʻldi va musobaqani ikkinchi pogʻonada yakunladi.

Shuning bilan Oʻzbekiston terma jamoasi mazkur musobaqani 1 tadan oltin va kumush medallari bilan yakunladi.