Qozogʻistonning Astana shahrida ogʻir atletika boʻyicha oʻsmirlar va yoshlar oʻrtasidagi Osiyo chempionati oʻz yakuniga yetdi. Musobaqaning soʻnggi kunida ayollar oʻrtasida eng ogʻir vazn toifasida gʻolib va sovrindorlar aniqlandi. +86 kg vazn toifasida kechgan bellashuvlarda Oʻzbekiston terma jamoasi aʼzolari 2 tadan kumush va bronza medallarini jamgʻarishdi.

Kumush medal:
+86 kg: Nigora Suvonova (siltab koʻtarish, yoshlar)
+86 kg: Nigora Suvonova (ikki kurash, yoshlar)

Bronza medal:
+86 kg: Nigora Suvonova (dast koʻtarish, yoshlar)
+86 kg: Mohinur Esonboyeva (ikki kurash, yoshlar)

Shu tariqa, oʻsmirlar jamoamiz mazkur musobaqada 3 ta oltin, 7 ta kumush va 20 ta bronza, yoshlarimiz esa 5 ta oltin, 13 ta kumush hamda 10 ta bronza medallarini jamgʻarishdi. Ahamiyatlisi, har ikki jamoamiz ochkolar hisobi va qoʻlga kiritilgan medallar soni boʻyicha Osiyoning eng yaxshi jamoasiga aylandi.