6 Iyul 2025
704
Yosh dzyudochilarimiz Chexiyadagi turnirda yetakchilik qilishmoqda
Chexiya poytaxti Praga shahrida dzyudo boʻyicha yoshlar o‘rtasida Prague Junior European Cup 2025 musobaqasi bo‘lib o‘tmoqda.
Dunyoning 4 qit’asi 32 davlatidan jami 428 nafar dzyudochi qatnashayotgan turnirning birinchi kungi bahslari O‘zbekiston yoshlar terma jamoasi uchun omadli keldi. Kamol Murodov bosh murabbiyligidagi dzyudochilarimiz unda 2 ta oltin, 2 ta bronza medalini qo‘lga kiritishdi. Ushbu natija bilan hamyurtlarimiz birinchi kundan soʻng umumjamoa hisobida birinchi oʻrinda ketishmoqda.
Oltin medallar
-66 kg: Dilshodbek Hamroyev
+78 kg: Umida Nig‘matova
Bronza medallar
-60 kg: Samariddin Qo‘chqorov
-63 kg: Sarvinoz Husanova
