Rio-2016 yozgi Olimpiya oʻyinlari qahramonlaridan Murodjon Ahmadaliyev hamda Bektemir Meliqoʻziyev professional boksda navbatdagi janglarini oʻtkazishdi.

Meksikada oʻtgan jangda Ahmadaliyev mezbon Luis Kastilyoni 8-raundda magʻlubiyatga uchratdi. Endi u sentyabr oyida bir nechta yoʻnalishdagi chempionlik kamarlari uchun yaponiyalik Naoya Inouega qarshi jang olib boradi.

Las-Vegas (AQSh)da tashkil etilgan oqshomda esa Bektemir Meliqoʻziyev mezbon Daryus Fulghemdan 12 raundli jangda ustun keldi. Ushbu gʻalaba bilan Bektemir WBA yoʻnalishi boʻyicha chempionlik kamari uchun da’vogarga aylandi.