Parij-2024 litsenziatlari: Jahon chempionati sovrindori Shukurjon Aminova
Xorazm ayollar dzyudo maktabi Oʻzbekiston terma jamoasining asosiy tarkibiga eng koʻp sportchi yetkazib berayotgani bilan alohida eʼtirof etiladi. Ular orasida -57 kg vazn toifasida ishtirok etadigan Shukurjon Aminova qator muvaffaqiyatlari bilan ajralib turadi.
Aminova Shukurjon Fayzullo qizi 2002-yil 16-noyabr kuni Xorazm viloyati Qoʻshkoʻpir tumanida tavallud topgan. 2017-yildan xalqaro musobaqalarda yurtimiz sharafini himoya qilmoqda. Murabbiyi Sardor Niyozmetov. Aminova Gran-pri musobaqalarida 1 ta oltin, turli yosh toifalaridagi Osiyo chempionatlarida 2 ta oltin va 1 ta bronza, Xanchjou-2022 yozgi Osiyo oʻyinlarida 1 ta kumush medalga sazovor boʻlgan. 2021-yilgi jahon chempionatida aralash jamoaviy dasturda bronza medali bilan taqdirlangan.
Aminova Xalqaro dzyudo federatsiyasining yoʻllanmalarni qayta taqsimlash dasturiga koʻra -57 kg vazn toifasida Parij-2024 yozgi Olimpiya oʻyinlari yoʻllanmasini qoʻlga kiritgan.
