Boks boʻyicha Oʻzbekiston terma jamoasi Ispaniyada xalqaro oʻquv-mashgʻulot yigʻinida qatnashmoqda. Sportchilarimiz “Boxam” turniridan soʻng ishtirokchi davlatlar oʻrtasida tashkil etilgan yigʻinda oʻz mahoratlarini oshirishmoqda.

28-fevralga qadar davom etadigan yigʻinga 15 ta davlatdan sportchilar tashrif buyurgan. Alohida taʼkidlash joiz, bu mashgʻulotlar 1-mart kuni Italiyada boshlanadigan Parij-2024 Olimpiya oʻyinlariga yoʻllanma beruvchi turnirga soʻnggi tayyorgarlik vazifasini oʻtab beradi. Yigʻinga litsenzion musobaqada ishtirok etishi kutilayotgan 8 nafar sportchi jalb etilgan boʻlib, yakunda ularning 4 nafari Milanda ringga koʻtariladi.